18 år, og så utruleg mykje vaksnare.

Om 3 dagar blir eg vaksen, myndig og fri! Eg gler meg til å vakne opp på onsdags morgon. Då vil eg sjølvsagt ha mykje større kunnskap, meir klokskapm større innsikt i livets mange vanskelege spørsmål og generelt ha større kompetanse innanfor alle tenkelege område.

No som eg er blitt vaksen kan eg drikke kaffi så mykje eg ynskjar, gå spaserturar med armane bak ryggen, køyre bil (snart, forhåpentlegvis), kome inn på bingo og konsert utan kryss på hendene, kjøpe hund og kjøpe mine eigne nasesprayar og hovudtablellar. Arh, no skal livet begynne altså, på onsdag.